Onok klinik ditulisi, sopo ae sing berobat gak waras, duwite dibalekno sampek 5 kali lipat.

Saben dino klinik iku rame terus gara-gara slogane menjanjikan, tapi yo ngono, saben berobat nang kono, pasienne mesti waras, durung tau ono pasien sing komplain, gara-gara gak waras.

Weruh ngono Mukidi iseng-iseng pingin berobat mrono, pengin ngetes ben klinike gak iso nangani, terus duwite iso mbalik 5 kali lipat.
Deweke ngarang penyakit sing kiro-kiro aneh, sing wong durung tau krungu.
Mukidi : “dok, aku iki kok duwe penyakit aneh yo ?”

Dokter : “Penyakit opo cak ?”

Mukidi : “Iki loh, aku ben mangan, cangkemku kok gak kroso opo-opo. Pedes, asin, legi, gak kroso blas”

Dokter : “Owalah, iki ngono penyakit gampang diwarasno. Mei Lin, tulung jupukno obat nomer 7”

Dokter : “Iki cak, obate sampeyan ombe saiki. Ono perubahan opo gak ?”

Mukidi pura-pura gak kroso opo-opo, ben duwit’e iso mbalik…..,
Bareng diombe, Mukidi langsung misuh-misuh….. keceplosan :
“Jangkriiikkkkk…, iki ngono dudu obat dok, tapi telek pitik ??”

Dr : “Wah, berarti kon wis waras, cangkem-mu wis iso ngrasakno telek pitik barang”
Akhire Mukidi mulih ambek ngroweng gak mari-mari.

Minggu ngarepe, Mukidi iseng-iseng meneh, pingin berobat nang klinik maneh.

Mukidi: “dok, aku duwe penyakit aneh”

Dr : “Opo iku ?”

Mukidi : “Ngene dok. Aku akhir-akhir iki kok gampang lalian. Jek tas 5 menit ngomong, wis lali sing diomong-no”

Dr : “Walah…gampang iku.”
Mukidi merinding gak karuan.

Dr : “Mei Lin, tulung jupukno obat nomer 7”

Mukidi : “dok ojok guyon, aku emoh nek obat nomer 7”

Dr : “Loh opo’o ?”

Mukidi (spontan) : “Iku dudu obat, tapi telek pitik”

Dr : “Lah iku kon eling, Berarti penyakitmu wis waras !!!”

Mukidi : “Wis dok, gak sudi aku……., gak katene berobat meneh. Mosok saben nang kene disuguhi telek pitik !!”.

Salam tawa